Австралиянинг Маккуори оролидаги шаҳар яқинида бойўғли автомобиль авариясини содир этиб, воқеа жойидан яширинди, деб хабар беради Newcastle Herald.
12 декабрь куни кечқурун курьерлик хизматининг 21 ёшли ҳайдовчиси микроавтобусда шаҳар бўйлаб ҳаракатланаётган бўлган. Кутилмаганда автомобилнинг очиқ ойнаси орқали салонга бойўғли кириб келган ва ҳайдовчига урилган. Австралиялик бошқарувни йўқотган ва автотураргоҳдаги автомобилга бориб урилган. Оқибатда иккала транспорт воситасига ҳам шикаст етган.
Гувоҳларнинг сўзларига кўра, ҳайдовчи қушнинг қайта ҳужумидан қўрқиб кетиб, микроавтобусдан сакраб қолган.
ЙТҲ гувоҳларидан бири микроавтобуснинг қурилмалар панелига ўтириб олган бойўғлини суратга олишга муваффақ бўлган. «Бахтимизга далил бор, бўлмасам унинг гапларига ҳеч қачон ишонмаган бўлардик», — дейди Маккуори полицияси.
Аниқлик киритилишича, ҳуқуқ-тартибот органлари ходимларига воқеа жойига етиб келгунига қадар қуш учиб кетган. «Агар ушбу бойўғлини танисангиз, илтимос, энг яқин атрофда жойлашган полиция участкасига хабар беринг», — дейилади хабарда.
Изоҳ (0)