Футбол бўйича Испания чемпионатининг 19-туридан ўрин олган «Реал» — «Атлетик Бильбао» учрашуви 15 декабрь, сешанба куни бўлиб ўтди.
Учрашувнинг 13-дақиқасидаёқ меҳмонлар бир ўйинчи кам бўлиб қолди: Рауль Гарсия бир неча дақиқа ичида иккита сариқ карточка олган ҳолда майдондан четлатилди. Ўйиндаги ҳисоб биринчи бўлимга қўшиб берилган вақтда очилди: Винисиус Жуниорнинг узатмасидан кейин Тони Кроос жарима майдони ташқарисидан аниқ зарба йўллади.
Бунга меҳмонлар 52-дақиқада Андер Капанинг голи билан жавоб қайтарди. 74-дақиқада Карим Бензема мадридликларнинг иккинчи голига муаллиф бўлди. Ҳакам томонидан қўшиб берилган вақтда эса Бензема якуний ҳисобни ўрнатди — 3:1.
Ушбу ғалабадан кейин «Реал» очколарини 26 тага етказиб олди ва очколар борасида пешқадамларга етиб олди. Бильбао жамоаси (14) эса 13-поғонада қайд этилган.
Ла Лига
19-тур баҳси
15 декабрь, сешанба
«Реал Мадрид» — «Атлетик Б» 3:1
Голлар: 1:0 – 45+2 Кроос, 1:1 – 52 Капа, 2:1 – 74 Бензема, 3:1 – 90+2 Бензема.«Реал Мадрид»: Куртуа, Варан, Карвахаль, Рамос, Менди, Модрич, Кроос, Васкес (Родриго, 75), Вальверде (Иско, 64), Винисиус Жуниор (Асенсио, 63), Бензема.
«Атлетик Б»: Унаи Симон, Йерай Альварес, Мартинес, Капа (Лекуэ, 80), Де Маркос (Муниаин, 80), Рауль Гарсия, Дани Гарсия, Беренгер (Кордоба, 59), Венседор (Весга, 66), Берчиче, Уильямс (Вильялибре, 67).
Огоҳлантиришлар: Рауль Гарсия (8), Васкес (42), Йерай Альварес (80).
Четлатиш: Рауль Гарсия (13).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)