Futbol bo‘yicha Ispaniya chempionatining 19-turidan o‘rin olgan “Real” — “Atletik Bilbao” uchrashuvi 15-dekabr, seshanba kuni bo‘lib o‘tdi.
Uchrashuvning 13-daqiqasidayoq mehmonlar bir o‘yinchi kam bo‘lib qoldi: Raul Garsiya bir necha daqiqa ichida ikkita sariq kartochka olgan holda maydondan chetlatildi. O‘yindagi hisob birinchi bo‘limga qo‘shib berilgan vaqtda ochildi: Vinisius Juniorning uzatmasidan keyin Toni Kroos jarima maydoni tashqarisidan aniq zarba yo‘lladi.
Bunga mehmonlar 52-daqiqada Ander Kapaning goli bilan javob qaytardi. 74-daqiqada Karim Benzema madridliklarning ikkinchi goliga muallif bo‘ldi. Hakam tomonidan qo‘shib berilgan vaqtda esa Benzema yakuniy hisobni o‘rnatdi — 3:1.
Ushbu g‘alabadan keyin “Real” ochkolarini 26 taga yetkazib oldi va ochkolar borasida peshqadamlarga yetib oldi. Bilbao jamoasi (14) esa 13-pog‘onada qayd etilgan.
La Liga
19-tur bahsi
15-dekabr, seshanba
“Real Madrid” — “Atletik B” 3:1
Gollar: 1:0 – 45+2 Kroos, 1:1 – 52 Kapa, 2:1 – 74 Benzema, 3:1 – 90+2 Benzema.“Real Madrid”: Kurtua, Varan, Karvaxal, Ramos, Mendi, Modrich, Kroos, Vaskes (Rodrigo, 75), Valverde (Isko, 64), Vinisius Junior (Asensio, 63), Benzema.
“Atletik B”: Unai Simon, Yeray Alvares, Martines, Kapa (Lekue, 80), De Markos (Muniain, 80), Raul Garsiya, Dani Garsiya, Berenger (Kordoba, 59), Vensedor (Vesga, 66), Berchiche, Uilyams (Vilyalibre, 67).
Ogohlantirishlar: Raul Garsiya (8), Vaskes (42), Yeray Alvares (80).
Chetlatish: Raul Garsiya (13).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)