Футбол бўйича Англия Премьер Лигасининг 13-турида «Челси» 15 декабрь, сешанба куни «Вулверҳэмптон» меҳмони бўлди.
Учрашувнинг биринчи бўлими тенг курашлар остида ўтди, танаффусга қадар ҳисоб ўзгармади. Иккинчи бўлим дебютида Оливье Жиру лондонликларни олдинга олиб чиқди.
66-дақиқада Даниэль Поденсе мувозанатни тиклашга муваффақ бўлди. Барчаси дуранг томон кетаётган бир вақтда «бўрилар» сўнгги сониялардаги қарши ҳужумни гол билан якунлади ва иродали ғалаба қўлга киритди.
Шу тариқа «Вулверҳэмптон» очколарини 20 тага етказиб олган ҳолда 9-ўринга кўтарилди. Кетма-кет иккита турни бой берган «Челси» (22) ҳозирча 5-поғонада қолди. Ўтган турда жамоа «Эвертон»га ютқазганди (0:1).
АПЛ
13-тур баҳси
15 декабрь, сешанба
«Вулверҳэмптон» — «Челси» 2:1
Голлар: 0:1 – 49 Жиру, 1:1 – 66 Поденсе, 2:1 – 90+5 Нету.«Вулверҳэмптон»: Руй Патрисиу, Марсал, Семеду, Коуди, Саисс, Поденсе (Витиня, 90), Рубен Невеш, Нету, Дендонкер (Отасоуи, 46), Боли, Фабиу Сильва (Траоре, 61).
«Челси»: Менди, Чилуэлл, Зума, Тиаго Сильва, Жеймс, Ҳаверц (Ковачич, 71), Канте, Маунт, Пулишич, Вернер, Жиру (Абраҳам, 71).
Огоҳлантиришлар: Маунт (60), Поденсе (77), Канте (85), Семеду (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)