Samsung компанияси жуда катта телевизори — 4К сифатни қўллаб-қувватловчи 110 дюймли MicroLED ТV’ни тақдим этди, деб хабар беради IXBT.
Ҳозирча янги моделни фақат Жанубий Кореяда олдиндан буюртма қилиш мумкин, бироқ компания кейинги йилнинг биринчи чорагидан глобал савдоларни йўлга қўйишга ваъда бермоқда. Янги телевизорнинг нархи ҳақида ҳозирча маълумотлар йўқ, бироқ 146 дюймли улкан Samsung The Wаll нархидан (100 минг доллар) келиб чиқиладиган бўлса, арзон эмаслиги аниқ.
Бу қадар қиммат телевизор дизайн ва компоновка борасида ўзига хос жиҳатларга эга бўлиши керак. Янги телевизорнинг ҳам қизиқарли томонлари бор. Масалан, экран фронтал панелнинг 99,99 фоизини эгаллаган. Яъни ҳеч қандай ҳошия йўқ: афтидан, матрицани ташқи дунёдан фақат металл ҳошия ажратиб туради. Шу билан бирга, Samsung унга «ташқи овоз кучайтиргичларсиз 5,1 каналли овозни тақдим этишга қодир» Маjestic тизимини ўрнатишга муваффақ бўлган.
Шунингдек, телевизор DSI-P3 ва Adobe RGB ранглар маконини тўлиқ эгаллаган, HDMI 2.1 порти билан жиҳозланган ва экранга контент тўртта турли манбадан узатилади.
Янги телевизор ҳақида батафсил маълумотлар 2021 йилнинг январида ўтказиладиган CES кўргазмасида эълон қилинади.
Аввалроқ LG’нинг «рулон-телевизор»и 88 минг доллар қийматида сотувга чиққани тўғрисида хабар берилганди.
Мавзуга доир: Xiaomi дунёдаги биринчи шаффоф телевизорни тақдим этди
Изоҳ (0)