КХДР ҳукумати Россиянинг коронавирусга қарши «Спутник V» вакцинаси ҳамда Хитойнинг диагностика ускунларини сотиб олди. Бу ҳақда Япониянинг Asahi Shimbun газетаси Жанубий Корея разведкаси ва Хитой бизнес доираларига таяниб хабар берди.
Шартнома қиймати ва вакцина партиясининг ҳажми номаълум. Вакцинация Шимолий Корея Меҳнат партиясининг вакиллари орасида саралаш йўли билан амалга оширилади. Мамлакат раҳбари Ким Чен Иннинг эмланиши тўғрисида аниқ маълумотлар йўқ.
КХДР Хитойдан сотиб олган тиббиёт ускуналари орасида термографлар ҳам борлиги айтилмоқда. Улар икки мамлакат ўртасидаги иқтисодий муносабатларни қайта тиклаш учун КХДР ва Хитой чегарасига ўрнатилган.
Россия тўғридан-тўғри инвестициялар фондининг маълум қилишича, КХДРнинг «Спутник V» вакцинасини сотиб олгани тўғрисидаги хабарлар ҳақиқатга мос келмайди.
Аввалроқ Шимолий Кореяда камида икки нафар амалдор COVID-19 коронавирус пандемияси сабаб юзага келган иқтисодий танглик туфайли қатл қилингани, шунингдек, мамлакатда карантин қоидаларини бузган эркак омма олдида отиб ўлдирилгани ҳақида хабар берилганди.
Мавзуга доир: ОАВ: КХДР хакерлари коронавирусга қарши вакцина ишлаб чиқараётган компанияга ҳужум уюштирди
Изоҳ (0)