Самарқанд вилоятининг Пастдарғом тумани аҳоли бандлигига кўмаклашиш маркази директори Ш.Ш. марказнинг 33 нафар моддий ёрдамга муҳтож бўлмаган ходими номидан сохта ҳужжатлар тайёрлаб, банкка тақдим қилган ва мукофот пули сифатида жами 224 миллион сўм нақд пулларни ноқонуний ўзлаштирган. Бу ҳақда «Дарё»га вилоят прокурори Равшан Машарипов маълум қилди.
Шунингдек, марказ директори Ш.Ш. икки нафар ходими билан камбағал оилалар тоифасига кирмаган 26 нафар фуқарога иссиқхона қуриш ва сув насослари олиш учун 99 миллион сўм субсидия маблағлари берилганлиги ҳақида сохта ҳужжат тузган ва яна пул ўзлаштирган.
Вилоят прокурорининг қўшимча қилишича, сўнгги икки йилда тизимдаги 5 нафар ходим турли коррупциявий жиноятлари учун жавобгарликка тортилган.
Изоҳ (0)