Тошкентнинг Мирзо Улуғбек туманида яшовчи эр хотинига тан жароҳати етказиб, фарзандининг ахлатини ейишга мажбурлагани ҳақида видеолар ижтимоий тармоқларда тарқалган, ҳолат юзасидан жиноят иши қўзғатилиб, эркак қўлга олинганди.
Мирзо Улуғбек туман суди чиқарган ҳукмга кўра, эркак муттасил равишда дўппослаш ёки бошқача ҳаракатлар билан қийнашда ифодаланган жиноят аломатларида айбдор деб топилди ва Жиноят кодексининг 110-моддаси 1-қисми (қийнаш)га кўра, унга нисбатан 3 йил муддатга озодликдан маҳрум қилиш жазоси тайинланди.
Шунингдек, тайинланган жазо манзил колонияларда ўталиши ва Жиноят кодексининг 96-моддаси (жазо билан бирга тайинланадиган тиббий йўсиндаги мажбурлов чораларини қўллаш)га асосан жазони ўташ жойларида токсикоманияга қарши мажбурий тиббий даволанишга жалб қилиниши белгиланди.
Аввалроқ хотинига ишлатилган памперсни едирган самарқандлик эркак 6 йилга озодликдан маҳрум этилгани хабар берилган эди.
Изоҳ (0)