Профессионал футбол Лигаси (ПФЛ) Ўзбекистон чемпионатининг ноябрь ойидаги энг яхшиларини эълон қилди.
Унга кўра, «Насаф» легионери Марко Станоевич ноябрь ойининг энг яхши ўйинчиси деб топилди. Сербиялик футболчи ўтган ойдаги 4 ўйинда иккита гол уришга муваффақ бўлди.
Станоевич сўровномада Шоҳруз Норхонов («Сўғдиёна») ва Сардор Абдураимовни («Машъал») ортда қолдирди.
«Насаф» устози Рўзиқул Бердиев эса ноябрь ойининг энг яхши мураббийи номига лойиқ кўрилган.
Ушбу соврин учун шунингдек, Шота Арвеладзе («Пахтакор»), Дилявер Ваниев («Машъал») ва Улуғбек Бақоев («Сўғдиёна») каби мутахассислар кураш олиб борганди.
Шунингдек, Станоевичнинг «Бунёдкор» дарвозасига урган голи ойнинг энг чиройли голи деб топилди. Марко октябрь ойида ҳам мазкур совринга эга бўлганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)