Дортмунднинг «Боруссия» клуби бош мураббийи Люсьен Фавр истеъфога чиқарилди. Бу ҳақда клуби матбуот хизмати маълум қилди.
«Бу биз учун оғир қадам. Бироқ фикримизча, яқинда рўй берган негатив воқеалар сабаб мавсумга қўйган мақсадларимиз катта хавф остида қолди. Шу туфайли бу ишга қўл урдик», — дейди клуб спорт директори Михаэль Цорк.
Эслатиб ўтамиз, «Боруссия Д» Бундеслига 12-тури доирасида 12 декабрь куни «Штутгарт»га қарши кечган баҳсда 1:5 ҳисобида мағлуб бўлди.
Фаврнинг ёрдамчиси Эдин Терзич мавсум якунига қадар «Боруссия Д»да бош мураббий вазифасини бажарувчи сифатида ишлайди.
«Боруссия» Германия чемпионатида 5-ўринда бормоқда, дортмундликлар пешқадамлар «Бавария» ва «Лейпциг»дан беш очкога ортда қолмоқда.
Фавр 2018 йилда «Боруссия» бошқарувига келганди. Унинг қўл остида жамоа 2019 йилда Германия Суперкубогига эга чиқди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)