UFC’нинг енгил вазн тоифасида ҳаракат қилувчи Жастин Гэтжи ушбу дивизион чемпиони Ҳабиб Нурмагомедов ҳақидаги фикрлари билан ўртоқлашди.
«Менимча, Ҳабибга катта жанг, масалан, Сен-Пьерга қарши баҳс орқали мухлислар билан хайрлашиш имконияти тақдим этилади. Унгача Ҳабиб нафақада бўлади. У энди чемпионлик камари учун жанг қилмайди», — дейди Гэтжи.
Эслатиб ўтамиз, 24 октябрь куни Абу-Дабидаги (БАА) «Жангчилар ороли»да бўлиб ўтган UFC 254 асосий жангида Ҳабиб Нурмагомедов ва Жастин Гэтжи ўзаро тўқнаш келди. Унда россиялик спортчи иккинчи раундда рақибига бўғиш усулини қўллаб ғалаба қозонди. Жангдан кейин Ҳабиб фаолиятини якунлашини маълум қилганди.
Ҳабиб ва Гэтжи иштирокидаги жангларни бу ерда томоша қилиш мумкин — ҳавола
Қайд этиш жоиз, Ҳабибнинг ўзи бир неча бор фаолиятини тиклаш ниятида эмаслигини маълум қилди. Аввалроқ у GFC промоушенини сотиб олди. Шунингдек, Россияда ўз мобил алоқа операторини ишга тушириш арафасида.
Мавзуга доир:
- Ҳабиб Нурмагомедов қайси ҳолатда UFC’га қайтади? Унинг ўзи жавоб берди
- Ҳабиб Нурмагомедов: «Жастин Гэтжига ютқазганимда ҳам фаолиятимни якунлаш қарорини ўзгартирмасдим»
- Болалик, UFC, яшаш тарзи, машиналар ва шахсий ҳаёт. Ҳабиб Нурмагомедовнинг ҳаёт йўли ҳақида
- Россиялик MMA афсонаси Ҳабиб ва Гэтжи ўртасидаги жангни келишилган деб атади
Изоҳ (0)