«Интер» ва «Милан» клублари собиқ ҳужумчиси Марио Балотелли фаолиятини Б Серия клубида давом эттиради.
30 ёшли футболчи «Монца» билан 2021 йилнинг 30 июнига қадар мўлжалланган шартнома имзолади. «Супер Марио» эркин агент мақомида клуб сафига келиб қўшилди.
«Монца» клуби «Милан»нинг собиқ хўжайини, италиялик номдор сиёсатчи ва миллардер Силвио Берлусконига тегишли. Жамоа бош мураббийи — Кристиан Брокки.
Ушбу клуб сафида ҳозирда «Милан» собиқ футболчилари Кевин-Принс Боатенг ва Габриэль Палетта тўп суради. Ҳозирда жамоа Б Серия 10-туридан кейин 14 очко билан 9-ўринда бормоқда.
Балотелли 2019/20 йилги мавсумни «Брешия»да бошлади. Мавсум давомида клуб раҳбарияти билан тортишиб қолди ва бир неча ой ўйин амалиётисиз қолди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)