«Манчестер Юнайтед» ярим ҳимоячиси Пол Погбанинг агенти Мино Райола мижозининг манкунианлар сафидаги келажаги ҳақида гапирди.
Шуни айта оламан: Погба ва «Манчестер Юнайтед» ўртасидаги муносабатда ҳаммаси тамом бўлди.Погба 2016 йилнинг ёзида «Ювентус»дан қайтиб келган ва шундан бери «Манчестер Юнайтед» сафида ҳаракат қилади. 2020/21 йилги мавсум у Премьер Лигада 8 ўйин ўтказиб, битта гол урди.Пол «Манчестер Юнайтед»даги ҳолатидан норози, шу сабаб Погба у ерда ўзи хоҳлаганидек ва ундан кутишаётгандек ўйин намойиш қила олмайди. Полга янги жамоа керак, тоза ҳаво лозим. Унинг амалдаги шартномаси яна 18 ой амал қилади, келишув 2022 йилнинг ёзида ўз якунига етади.
Ўйлашимча, трансферни кейинги трансфер ойнасида амалга ошириш Погба ва «Манчестер Юнайтед» учун энг тўғри қарор бўлади. Агар бу рўй бермаса клуб уни текинга қўйиб юборишга мажбур бўлишини билади. Чунки Погба шартномани узайтирмоқчи эмас.
Нима бўлган тақдирда ҳам Пол кетадиган бўлса, улар барибир ҳаммасига мени айбдор қилади.
Мино Райола, футбол агенти
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)