“Inter” va “Milan” klublari sobiq hujumchisi Mario Balotelli faoliyatini B Seriya klubida davom ettiradi.
30 yoshli futbolchi “Monsa” bilan 2021-yilning 30-iyuniga qadar mo‘ljallangan shartnoma imzoladi. “Super Mario” erkin agent maqomida klub safiga kelib qo‘shildi.
“Monsa” klubi “Milan”ning sobiq xo‘jayini, italiyalik nomdor siyosatchi va millarder Silvio Berluskoniga tegishli. Jamoa bosh murabbiyi — Kristian Brokki.
Ushbu klub safida hozirda “Milan” sobiq futbolchilari Kevin-Prins Boateng va Gabriel Paletta to‘p suradi. Hozirda jamoa B Seriya 10-turidan keyin 14 ochko bilan 9-o‘rinda bormoqda.
Balotelli 2019/20-yilgi mavsumni “Breshiya”da boshladi. Mavsum davomida klub rahbariyati bilan tortishib qoldi va bir necha oy o‘yin amaliyotisiz qoldi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)