Жасур Яхшибоев «Энергетик-БГУ»нинг мавсумдаги энг яхши ўйинчиси деб топилди

Солигорскнинг «Шахтёр» клуби ҳужумчиси Жасур Яхшибоев «Энергетик-БГУ»нинг 2020 йилги мавсумдаги энг яхши ўйинчиси деб топилди.

Жасур сўровномада 22 фоиз овоз тўплаган ҳолда биринчиликни қўлга киритди.

Шунингдек, ўзбекистонлик футболчи яна икки номинацияда тенгсиз бўлди. Яхшибоев «Энергетик-БГУ»нинг мавсумдаги энг яхши легионери (46%) ва энг яхши ҳужумчиси (50%) сифатида ҳам эътироф этилди.

Эслатиб ўтамиз, Жасур минскликлар сафида бир давра ҳаракат қилди ва шундан кейин «Шахтёр» сафига йўл олди. У «талабалар» сафида Беларусь чемпионатида 14 ўйин ўтказиб, 9 гол ва учта голли узатма амалга оширди.

Яхшибоев «Шахтёр» билан 2020 йилги мавсум чемпионлигини қўлга киритди.

Мавзуга доир: Юқори молиявий талаблар, катта ўйинларда «йўқолиб» қолиш ва воз кечилган олтин медал. Жасур Яхшибоевнинг Беларусдаги саргузаштлари