Бразилиялик олимлар коронавирус пандемияси даврида инсонлар қанақа туш кўраётганини таҳлил қилиб кўрди. Тадқиқот иштирокчилари кўрган тушларини сўзлаб беришда асосан салбий ҳиссиётларга оид сўзлардан, масалан, ғазаб ва қайғу ҳақидаги сўзлардан кўпроқ фойдаланган. Пандемияга қадар бу кам кузатилган эди, деб хабар беради Dazed Digital.
Тадқиқот иштирокчиларининг сўзларига кўра, улар тушида коронавирусга чалинишдан қўрқяпти ва гигиена ҳамда жисмоний мулоқот мавзусига оид турли турли-туман ҳолатларни кўрмоқда. Мутахассисларнинг ҳисоблашича, уруш ва бошқа офатлар вақтида коллектив травматик тажриба шундай акс эттирилади.
Тадқиқотчилар 239 та тушни таҳлилдан ўтказган — уларнинг 208 таси пандемиянинг биринчи ойига тегишли, 31 таси унга қадар қайд этилган.
Аввалроқ британиялик олимлар коронавирус мия фаолиятига жиддий таъсир кўрсатиши мумкинлигидан огоҳлантирганди, бразилиялик стоматологлар эса коронавирус бемор оғиз бўшлиғига зарар етказишини маълум қилган.
Изоҳ (0)