Lego компанияси Technic линейнасининг янги жамланмасини тақдим этди. 50 доллар эвазига Дания конструктори ёрдамида Jeep Wrangler моделининг Rubicon версиясини йиғиш мумкин, деб хабар беради Motor.
Technic линейкасининг янги жамланмаси 665 та эҳтиёт қисмдан иборат 24 сантиметрли Jeep Wrangler Rubicon’ни йиғиш имконини беради. Элементлар сони нисбатан кўп бўлмаса ҳам йўлтанламас қизиқарли функционали билан мақтана олади. Хусусан, қора-сариқ конструктор очиладиган эшиклар ва капот, йиғиладиган орқа ўриндиқлар, шунингдек, захира ғилдирагини ўз ичига олади. Бундан ташқари, ўйинчоқ Wrangler еттита вертикал қирқимли радиатор панжарасига, юмалоқ фаралар ва лойда юришга мўлжалланган шиналарга эга бўлган.
Jeep Wrangler’нинг ўзига хос жиҳати моделнинг орқа қисмидаги бурилиш тугмасига эга бошқарилувчан ғилдираклар ҳисобланади. Ишлаб чиқарувчи митти автомобилнинг «подвеска»сини синаш мақсадида ҳаракатланаётган йўлтанламас йўлига турли тўсиқларни қўйишни таклиф қилади.
Lego Technic Jeep Wrangler Rubicon жамланмаси 2021 йилнинг 1 январидан сотувга чиқади. Конструктор нархи 50 долларни ташкил этади.
Аввалроқ АҚШда Jeep Wrangler кўринишидаги мангаллар сотувга чиққани тўғрисида хабар берилганди.
Изоҳ (0)