Миннесота штатида истиқомат қилувчи оила 2014 йилда янги Mitsubishi Mirage’ни сотиб олган. Ўша вақтда кичкина хэтчбек бозордаги энг арзон модель бўлган. Шундан буён машина эгалари уни бирор марта ҳам таъмирламасдан 670 минг километрдан ортиқ йўл босди, деб хабар беради Motor.
Жерри ва Женис Хюот Mitsubishi Mirage’ни 2014 йилда 13 минг долларда сотиб олган. Беш эшикли хэтчбек Америка бозоридаги энг арзон модель бўлган. Автомобилга 74 от кучига эга 1,2 литрли бензин двигатель ўрнатилган.
Ўтган олти йил давомида автомобиль бирор марта ҳам таъмирланмаган, фақат режали хизмат кўрсатилган холос. 240 минг километр йўл босганида хэтчбекнинг ғилдираклари алмаштирилган ва шундан сўнг, у яна 400 минг километр йўл босгач янги стартёр ўрнатилган. Машина эгасининг сўзларига кўра, хэтчбекнинг двигатели ва трансмиссияси олдингидек ажойиб ҳолатда.
670 минг километр йўл босган Жерри ва Женис навбатдаги хизмат кўрсатишга Mitsubishi’нинг расмий дилерлик марказига борган. Автомобилнинг бу қадар кўп йўл босганини кўрган мутахассислар рекордчи-хэтчбекдан реклама кампанияларида фойдаланиш учун сотиб олиш таклифини билдирган. Дилер бунинг ўрнига янги Mirage’ни жуфтликка катта чегирма билан сотган.
Аввалроқ BMW миллион километр йўл босган седанини намойиш этган эди.
Изоҳ (0)