Американинг Omaze компанияси Tesla электромотори ўрнатилган 1966 йилги Volkswagen Type 2 микроавтобусини ноодатий лотерея доирасида ўйнамоқда. Ғолибга қўшимча сифатида 20 минг доллар берилади, шунингдек, у автомобиль солиғини тўлашдан озод этилади, деб хабар беради Motor.
54 йиллик микроавтобус Zelectrid компанияси томонидан модификация қилинган. Ноодатий лойиҳанинг асосини 1966 йилда ишлаб чиқарилган Volkswagen Type ташкил этган бўлиб, классик тўрт цилиндрли двигатель ўрнига 100 от кучи ва сиғими 32 киловатт-соатга тенг Tesla электромотори ўрнатилган. Агрегат фургонга бир марта қувватланиш орқали 136 километр ҳаракатланиш имконини беради, максимал тезлиги 160 км/соат.
Аккумулятор қувватини 240 волтли тармоқ ёрдамида 100 фоизга беш соатдан камроқ вақт давомида қувватлантириш мумкин. Шунингдек, жамланмадан электр энергиясини қувватлантириш станциясидан тўлдиришга ёрдам берадиган махсус ўтказгич ҳам ўрин олган. Бундан ташқари, фургон батареяларни тормозланиш вақтида қувватлантиришга ёрдам берадиган рекуперация тизими билан ҳам жиҳозланган.
Ташқи кўриниши билан микроавтобус афсонавий модель дизайнини такрорлайди. Фақатгина унга ёруғлик диодли оптика ва том қисмига ёғоч юкхона ўрнатилган. Фургон оқ-яшил рангга бўялган. Микроавтобусда гидрокучайтиргич руль, олд тормоз дискалари, шунингдек, замонавий аудиотизим, орқани кўришга мўлжалланган камера ва йўловчилар учун USB-портлар ўрин олган.
Лотереяда бепул ва хайрия асосида қатнашиш мумкин. Бунинг учун компания сайти орқали рўйхатдан ўтиб, исталган суммани хайрия қилиш лозим. Хайрия амалга оширилган тақдирда ғалаба эришиш имконияти кучаяди. Электрофургон билан унинг янги эгаси 20 минг доллар мукофот ҳам беради.
Изоҳ (0)