Хьюстон шаҳрида Mecum аукциони орқали Тим Бёртон томонидан 1989 йилда суратга олинган «Бэтмен» фильмидаги афсонавий Бэтмобилнинг нусхаси сотилади. Суперқаҳрамон машинаси Chevrolet Corvette агрегатлари базасида яратилган бўлиб, суриладиган кабина ва иккита пулемёт билан жиҳозланган, деб хабар беради Motor.
Бетмобил Американинг Pursch Racing тюнинг-ательеси мутахассислари томонидан яратилган. Лойиҳа асосини 1989 йилда ишлаб чиқарилган Chevrolet Corvette ташкил этади. Ушбу спорткар шу номдаги суперқаҳрамонга оид фильмдаги машҳур автомобиль учун донор вазифасини ўтаган. Уни яратиш учун тюнерлар барча ғилдираклари мустақил «пневмоподвеска»га эга махсус каркасни лойиҳалаган. Фильмдаги каби унинг кабинасига масофадан туриб очиладиган махсус қубба орқали кирилади.
Нусха экстерьери оригинал моделники билан бир хил. Бэтмобил массив аэродинамик «обвес» ва улкан олд турбина билан жиҳозланган. Шунингдек, худди фильмдаги унга каби иккита Браунинг пулемёти ҳам ўрнатилган. Машина салонига электрбошқарилувчи ўриндиқлар, шунингдек, полициячилар частотасини сканер қилувчи ноодатий қурилма, орқани кўришга мўлжалланган камера, бундан ташқари, баланд товушли сирена ва қирувчи самолётнинг нишони ўрнатилган.
Бэтмобил 250 от кучига эга 5,7 литрли V8 двигатели ёрдамида ҳаракатга келади. Бироқ сотувчининг сўзларига кўра, модификацияга учраган машинага саккиз цилиндрли агрегат, шунингдек, Dodge Viper’нинг V10 моторини ўрнатиш мумкин.
Экзотик машина аукцион орқали 2021 йилнинг январида сотувга қўйилади. Модель нархи ҳозирча маълум эмас. Бэтмобил умумий фойдаланишдаги йўлларда ҳаракатланиш учун рухсатномага эгалиги сабаб унга сотиб оладиган харидор чиқиб қолиши мумкин.
Аввалроқ Эстониядаги кийим дўконида «Келажакка қайтиб» фильмидаги DeLorean автомобили сотилаётгани тўғрисида хабар берилганди.
Изоҳ (0)