Бутун дунёни ҳайратга солиш учун кўп бош қотириш шарт эмас. Бунинг учун аллақачон ғайриоддий соч турмаклари ихтиро қилинган.
Амасунзу турмаги, Руанда
Руанда эркаклари ўзларининг мавқейи ва кучларини кўрсатиш учун амасунзу кийиб юрган. Ушбу соч турмагидан эса аёлларни никоҳ ёшига етганлиги ва ёлғиз эканлигини кўрсатиш учун фойдаланилган.
Узун шохли шинён, Хитой
Хитойнинг Гуйчжоу провинциясида Мяо халқлари мавжуд бўлиб, аёллари «чан сзяо» – узун шохли парик кияди. Замонавий қизлар дунёга машҳур соч турмакларини фақат таътил вақтида тақади. Лекин уларнинг бувилари ушбу 6 килолик парикни кун давомида тақиб юрган.
Валенсия фаллераси, Испания
Афтидан режиссёр Жорж Лукас Испаниянинг Валенсия шаҳрига қилган саёҳатидан шунчалик илҳомланганки, у «Юлдузлар жанги» фильми қаҳрамони Леининг соч турмагини яратган. Ушбу мураккаб турмак кўп вақт талаб этади. Соч турмаги қанчалар мураккаб бўлса, қарияларнинг ижтимоий мавқейи шунчалик юқори бўлади.
Эритрея сеҳргарлари
Шарқий Африкадаги жуда кичик давлат, Эритрея ноёб этник гуруҳлар билан ажралиб туради. Шуниси қизиқки, эркаклар ҳарбий хизматга номаълум муддатга чақирилади, шунинг учун аёллар уларга вақт борида турмушга чиқиб олиши керак. Шунинг учун ҳам аёллар соч турмаги орқали янада мафтункор бўлишга уринар.
Хамер қабиласи қизлари, Эфиопия
Ёввойи Эфиопия қабиласи қизлари меҳмондўст, самимий ва сертабассум. Улар Африка қитъасининг энг гўзаллари ҳисобланади. Айтганча, уларнинг соч турмаги бутун дунё бўйлаб урфга кирганини билмаса керак.
Каррайю қабиласининг афротурмаги, Эфиопия
Каррайю қабиласининг эркаклари анъанавий тарзда қирқилган афротурмакни «гафура» деб номлайди. Никоҳдан сўнг янги оила ҳар куни эрталаб сочига ёғ томдириши ва у кун давомида елка ва бўйин қисмга оқиб туриши керак. Бу уларнинг миллий маросими ҳисобланади.
Химба қабиласи, Намибия
Сайёрадаги ўзига хос халқлардан бири соч турмаги ва заргарлик буюмларига катта аҳамият беради. Ҳатто чақалоқлар ҳам марварид маржонлар, каттароқлари эса чиғаноқлар билан безатилган мис билагузук тақади. Турмушга чиққан хонимлар бошида ҳайвонлар терисидан ясалган шох ёки тож бўлади.
Яо халқи, Хитой
Бу аёллар цивилизациядан узоқда яшайди ва ота-боболарининг урф-одатларини муқаддас билади. Қизлар ҳаётида фақат бир ёшга киргандагина соч кесиши мумкин. Шундан сўнг қизлар сочини кесмайди, уларнинг узунлиги 2 метрни ташкил қилади. Одатга кўра, соч қанчалик узун бўлса, бахтли бўлиш имконияти шунчалик кўп бўлади.
Конгодаги қабилалар
Марказий африкада жойлашган штат қитъадаги энг йирик давлатлардан биридир. Бироқ мамлакатда замонавий технологиялардан узоқ ва дарёлар бўйида яшайдиган қабилалар ҳам бор. Ер аҳолиси қалин сочларини кесиб, уларни кам миқдорда қолдиради. Сўнгра қолганларини қаттиқ шохчаларга ўхшатиб турмаклайди.
Симада турмаги, Япония
Ушбу турмак XVII−XIX асрларда қизларнинг асосий безаги ҳисобланган. Ҳозирда фақатгина гейшалар, яъни раққоса-қўшиқчилар томонидан кийилади.
Изоҳ (0)