Chanel модалар уйи 2021 йил баҳорга мўлжалланган янги сумка ва лофер моделини тақдим қилди.
Сумка силуэти 1990 йиллар охири ва 2000 йилларнинг бошидан илҳомланган ҳолда яратилган.
Твит матосидан тикилган сумкага бренднинг CC кўринишидаги тилларанг логоси илгак қилиб қадалган. Уч хил: қизғиш, тўқ кўк ва лимон рангида тақдим қилинган сумканинг катта ва кичик ҳажмли вариантлари мавжуд. Chanel Hobо сумкалари бренднинг расмий сайтида тақдим қилинган бўлиб, ўлчамига қараб 3,120 ва 2,840 долларга баҳоланган.
Тақдим қилинган лоферлар замш матосидан ишланган бўлиб, оч кул ранг ва тўқ кўк рангларда. Шунингдек, қора чармдан ишланган вариант ҳам мавжуд.
Ҳар бир моделга тилларанг CC илгаги бўлиб, кичик пошна ўрнатилган. Нафақат кундалик, балки алоҳида учрашувларга кийишга мўлжалланган лоферлар 2021 йилдан бренд дўконларида сотувга қўйилади.
Изоҳ (0)