Совуқ ҳароратда иссиқ тутадиган ва ўзига хос образга эга бўлишга ҳисса қўшадиган «шерст», яъни жун матоли кийимларни сифатли сақлашга ёрдам берадиган тавсиялар билан бўлишамиз.
Дазмол қилманг
Жун матодан тикилган кийимни парли дазмол қилиш мумкин, лекин уйдаги оддий дазмолдан фойдаланиб бўлмайди. Қилинган тақдирда ҳам, мато кийиб бўлмайдиган ҳолатга келади. Яхшиси, уни парланган ваннага илиб қўйинг.
Махсус воситалардан фойдаланинг
Чарм, замш пойабзал учун махсус восита бўлганидек, фақат жун матоси учун ишлатиладиган воситалар ҳам бўлади. Бундай воситаларни исталган маиший кимё бўлимидан харид қилиш мумкин.
Болалар шампунидан фойдаланинг
Агар жун матоли кийимни ювишга тўғри келиб қолса ва дўконга етиб бориш учун имкон бўлмаса, оддий ёки болалар шампунидан фойдаланинг.
Фақат совуқ сувда ювинг
Бундай матони фақат ва фақат совуқ сувда ювиш керак. Бу билан нафақат кийим ранги ўзгармайди, балки ғижим бўлмайди ва унга зарар ҳам етмайди.
Эҳтиёт бўлинг
Жун матоли кийимни ювганда эҳтиёткорлик билан ҳаракатланинг, қаттиқ ишқалаб юборманг. Ушбу матони тескари тарафидан ювган яхши. Бунда кардиган, пальто ёки свитерда «катишка» пайдо бўлмайди.
Тозалашни унутманг
Жун матосидан тикилган кийимингизни шкафга қўйиб қўйишдан аввал уни, албатта, кийим учун махсус чўтка ёрдамида тозаланг. Шунда ушбу кийим сизга узоқ муддат хизмат қилади.
Янгилаб туринг
Жун матосидаги «катишкалар» унинг кўриниши хунук бўлишига сабаб бўлади. Аммо улардан мустақил равишда махсус машинка ёрдамида қутилиш мумкин.
Формасини ўзгартириб туринг
Агар кийимнинг формасини ўзгартирмоқчи, масалан, енгини калталамоқчи бўлсангиз, буни ювгандан кейин амалга оширган яхши.
Вешалкага илманг
Жун матоли свитер ёки кийимни вешалкада сақламанг ва унга илиб қурита кўрманг. Бу орқали мато кўриниши бузилишига сабабчи бўлишингиз мумкин. Яхшиси, шкаф полкасида сақлаганингиз маъқул.
Фақатгина горизонтал қуритиш
Жун матоли либосларни фақатгина горизонтал қуритганингиз яхши. Юқорида таъкидлаганидек, қуруқ сочиқ устига ёйиб қўйинг, у ювилгандан кейин намликни ўзига тортиб олади.
Изоҳ (0)