Болонияда жойлашган Италиянинг Boarini Milanesi компанияси баҳоси 7 миллион долларлик сумка яратди. Бу ҳақда Daily Mail хабар берди.
Таъкидланишича, янги Parva Mea сериясининг аквамарин рангли сумкаси ярим ялтироқ тимсоҳ терисидан, 10 дона капалак безаги эса оқ олтиндан ишланган. Улардан тўрттасида олмос, учтасида сапфир ва умумий оғирлиги 130 карат бўлган ноёб Параиба турмалинлари мавжуд. Сумканинг илгагида олмос қисқич ўрнатилган.
Компания фақатгина 3 дона маҳсулот чиқаради ва ҳар бир сотилган аксессуардан 950 минг доллар маблағ денгизларни пластик чиқиндилардан тозалаш учун сарфланади.
Гиннеснинг рекордлар китобига кўра, дунёдаги энг қиммат сумка Mouawad 1001 Nights Diamond Purse ҳисобланади. Юрак шаклидаги аксессуар 18 карат олтин ва 4517 олмос билан безатилган. Унинг нархи 3,8 миллион долларга баҳоланмоқда.
Изоҳ (0)