Россияда ўтган бир сутка ичида яна 27 100 кишида коронавирус тасдиқланди. Бу ҳақда мамлакат COVID-19’га қарши курашиш тезкор штабига таяниб, «Интерфакс» хабар берди.
Москва шаҳрининг ўзида яна 7320 кишида коронавирусга чалинган.
Мамлакатда бир сутка давомида 510 киши COVID-19 қурбонига айланган, пандемия бошланганидан буён вирус оқибатида вафот этганлар сони 39 068 кишига етган.
Касалланиш бўйича янги ҳолатлар Россиянинг 85 та минтақасида кузатилмоқда. Энг юқори суткалик кўраткичлар бўйича Москвадан кейин Санкт-Петербург ўрин олган — 3695 киши. Москва вилоятида эса бир суткада 1065 кишида COVID-19 аниқланган.
Ҳозирга қадар бутун мамлакат бўйича коронавирусга чалинганлар сони 2 242 633 кишига етган бўлиб, уларнинг 1 793 470 нафари соғайган — ўтган бир сутка ичида 27 296 киши.
Эслатиб ўтамиз, 27 ноябрь куни 27 543 кишида коронавирус аниқланиб, кунлик касалланишлар сони бўйича юқори кўрсаткич бўлганди.
Изоҳ (0)