Rossiyada o‘tgan bir sutka ichida yana 27 100 kishida koronavirus tasdiqlandi. Bu haqda mamlakat COVID-19’ga qarshi kurashish tezkor shtabiga tayanib, “Interfaks” xabar berdi.
Moskva shahrining o‘zida yana 7320 kishida koronavirusga chalingan.
Mamlakatda bir sutka davomida 510 kishi COVID-19 qurboniga aylangan, pandemiya boshlanganidan buyon virus oqibatida vafot etganlar soni 39 068 kishiga yetgan.
Kasallanish bo‘yicha yangi holatlar Rossiyaning 85 ta mintaqasida kuzatilmoqda. Eng yuqori sutkalik ko‘ratkichlar bo‘yicha Moskvadan keyin Sankt-Peterburg o‘rin olgan — 3695 kishi. Moskva viloyatida esa bir sutkada 1065 kishida COVID-19 aniqlangan.
Hozirga qadar butun mamlakat bo‘yicha koronavirusga chalinganlar soni 2 242 633 kishiga yetgan bo‘lib, ularning 1 793 470 nafari sog‘aygan — o‘tgan bir sutka ichida 27 296 kishi.
Eslatib o‘tamiz, 27-noyabr kuni 27 543 kishida koronavirus aniqlanib, kunlik kasallanishlar soni bo‘yicha yuqori ko‘rsatkich bo‘lgandi.
Izoh (0)