Шимолий Кореяда камида икки нафар амалдор COVID-19 коронавирус пандемияси сабаб юзага келган иқтисодий танглик туфайли қатл қилинди. Бу ҳақда Associated Press агентлиги Жанубий Корея Миллий разведка агентлигининг ҳисоботига асосланиб хабар берган.
Хабарларга кўра амалдорлардан бирини мамлакат ҳудудига тақиқланган маҳсулотларнинг пандемия сабаб хориждан олиб келингани учун ўлдирилган. Бошқа бир юқори мартабали амалдор эса валюта айирбошлашдаги қаллобликлар туфайли қатл этилган.
Жанубий Корея разведка идораси берган маълумот бўйича КХДР раҳбари Ким Чен Ин иқтисодий қийинчиликлар вақтида шафқатсиз қарорлар қабул қилган, хусусан, хом ашё нархини оширган ва ишлаб чиқариш маҳсулотлари ҳажмини камайтирган.
Бундан ташқари балиқ овлаш, денгиз тузида коронавирус юқтириш хавфи борлиги учун туз ишлаб чиқариш тақиқланган.
Пхенянда ва Чагандо провинциясида ўзни яккалаш тартиби жорий қилинган. Шунингдек, Пхенян коронавирусга қарши чора-тадбирлар доирасида Корея меҳнат партиясининг 2021 йил бошида ўтиши режалаштирилган навбатдаги қурултойини кечиктириши мумкин.
Изоҳ (0)