Бокс бўйича оғир вазн тоифасида собиқ Жаҳон чемпиони Майк Тайсон тўртта вазн тоифаси собиқ чемпиони Рой Жонсга қарши жанг олдидан вазн ташлагани ҳақида гапирди.
Тайсон вегетарянлик ва тинимсиз машғулотлар сабаб 45 килограмм вазн ташлаган.
«Формага қайтиш жуда қийин бўлди, бироқ фақат битта сабаб туфайли: мен 100 фунт (45,4 кг) вазн ташлашга мажбур бўлдим. Буни бутун фаолиятим мобайнида қилиб келганман.
Бунга қандай эришдим? Биринчидан, веганга айландим. Турмуш ўртоғим югуриш йўлакчасидан фойдаланишни маслаҳат берди. Аввалига 15 дақиқадан бошладим, кейинчалик бу 2 соатга қадар давом этадиган бўлди. Машғулот залига боришда давом этдим ва ўз диетамни назорат қилдим», — дейди Тайсон.
Эслатиб ўтамиз, 54 ёшли Тайсон ва 51 ёшли Жонс ўртасидаги жанг Тошкент вақти билан 29 ноябрь тонги соат 08:00—09:00 оралиғида бошланади.
Майк Тайсон ва Рой Жонс ўртасидаги жангни бу ерда кўриш мумкин — ҳавола.
Изоҳ (0)