Бокс бўйича оғир вазн тоифасида собиқ Жаҳон чемпиони Майк Тайсон (50-6, 44 КО) ва тўртта дивизион собиқ чемпиони Рой Жонс (66-9, 47 КО) ўзаро жанг олдидан допинг тестидан ўтди.
Афсонавий боксчилар Кўнгиллилар антидопинг агентлиги (VАDА) дастури доирасида допинг тестидан ўтган.
Калифорния атлетика комиссияси ижрочи директори Энди Фостернинг маълум қилишича, қон таҳлиллари боксчиларда допинг йўқлигини кўрсатган. Тайсон ва Жонс жанг бошланишидан аввал ҳам допинг назоратидан ўтади.
Эслатиб ўтамиз, 54 ёшли Тайсон ва 51 ёшли Жонс ўртасидаги жанг Тошкент вақти билан 29 ноябрь тонги соат 08:00—09:00 оралиғида бошланади.
Майк Тайсон ва Рой Жонс ўртасидаги жангни бу ерда кўриш мумкин — ҳавола.
Изоҳ (0)