The New York Times кинотанқидчилари XXI асрнинг энг яхши актёрларидан иборат рўйхат тузди. Бу ҳақда «Korrespondent.net» хабар берди.
Рейтинг тузишда иштирок этган Манола Даргис ва Энтони Скоттнинг айтишича, тақдим қилинган Топ-25 субъектив ҳамда айрим камчиликлардан ҳоли эмас.
Маълум қилинишича, «Экипаж», «Адолат тарафдори» фильмлардаги роли билан яхши таниш бўлган Дензел Вашингтон рўйхатда етакчилик қилган.
Энтони Скотт Вашингтонни «экран титани», унда эски мактабнинг жиддий тайёргарлиги бор, ролларга зийраклик билан ёндашади, шу билан бирга, ёрқин киноюлдуз, деб атаган. Шунингдек, танқидчи актёрнинг Шекспир ва машҳур афро-америкалик драматург Август Уилсон асарлари экранизациясининг уддасидан чиқиши, ёвуз ва қаҳрамонона, бундан ташқари, оддий йигит ролини ҳам қойиллатишини қўшимча қилган.
Етакчи юлдузлар бешталигига француз актрисаси Изабел Юппер («Пианистка»), Дэниэл Дэй-Льюис («Нефть»), Киану Ривз («Матрица») ва Николь Кидман («Монака маликаси») лойиқ деб топилган.
Бундан ташқари, рўйхатдан «Паразитлар» фильмида рол ижро қилган кореялик актёр Сон Кан Хо, «Оқсоч» фильмидаги Ким Мин Хи, «Гуноҳга қўл уриш» фильмидаги хитойлик актриса Чжао Тао, «Буюк гўзаллик» фильмидаги италиялик Тони Сервилло ҳамда «Бир куни Версалда» фильмида суратга тушган француз актрисаси Катрин Денев ўрин олган.
Қолаверса, «Бенжамин Баттоннинг сирли ҳикояси» фильмидаги ижроси билан яхши таниш бўлган актриса Тильда Суинтон, «Joker»да бош қаҳрамон ролини гавдалантирган Хоакин Феникс ва «Ҳаёт-мамот ўйинлари»даги Жулианна Мур ҳам йигирма бешталикка киритилган.
NYT томонидан тузилган рўйхатдан ўрин олган актёрлар:
- Дензел Вашингтон
- Изабел Юппер
- Дэниэл Дэй-Льюис
- Киану Ривз
- Николь Кидман
- Сон Кан-хо
- Тони Сервилло
- Чжаи Лао
- Виола Дэвис
- Сирша Ронан
- Жулианна Мур
- Хоакин Феникс
- Тильда Суинтон
- Оскар Айзек
- Майкл Б. Жордан
- Ким Мин-хи
- Элфри Вудард
- Уиллем Дефо
- Уэс Стюди
- Роб Морган
- Катрин Денев
- Мелисса Маккарти
- Махершала Али
- Соня Брага
- Гаэль Гарсиа Берналь
Мавзуга доир:
Изоҳ (0)