Хорижий фильмларда суратга тушган турк актёрлари (фото)

Мухлислар қалбидан жой олган турк киносаноати вакиллари бошқа давлат ижодкорлари ва режиссёрлари эътиборини ҳам жалб этган.

Жансу Тосун

«Чуқур» сериалидаги Варталу роли билан яхши таниш бўлган Эркан Колчак Костендиле билан турмуш қурган актриса Жансу Тосун 1988 йилда дунёга келган.

У Франция киноижодкорлари томонидан 2019 йилда суратга олинган «Анна» фильмида суратга тушган. Фильм режиссёри — Люк Бессон. 80 йиллардаги воқеаларга асосланган фильм КГБда фаолият юритадиган Анна исмли қиз ҳақида ҳикоя қилади. Жансу мазкур фильмда иккинчи даражали қаҳрамон ролини ижро қилган.

Мелтем Жумбул

Мелтем Жумбул 1969 йилда дунёга келган. Актриса «Муҳташам юз йил» сериалидаги Фатма султон роли билан яхши таниш.

У 2010 йилда «Айт менга, Тангри» номли фильмда Риши Капур гавдалантирган қаҳрамоннинг рафиқаси ролини ижро қилган. Фильм режиссёри машҳур Хема Малини бўлган.

Саадет Аксой

1983 йилда дунёга келган актриса «Муҳташам юз йил» сериалида суратга тушган. У 2012 йилда Италиянинг «Икки марта туғилиш» номли фильмида роль ўйнаган.

Сержио Кастеллитто режиссёри бўлган мазкур фильм Маргарет Мадзантини асарининг экранизацияси ҳисобланади, унда Пенелопа Крус бош ролни ижро қилган.

Белчим Билгин

1983 йилда дунёга келган актриса «Севги тасодифларни севар» фильмидаги роли билан яхши таниш. У 2018 йилда Дания, Канада ва АҚШ томонидан ҳамкорликда суратга олинган «Бошланғичлар учун сотқинлик» триллерида бош қаҳрамон ролини ижро қилган.

Халук Билгинер

1954 йил дунёга келган актёрнинг сўнгги энг эсда қоларли ижроларидан бири 2018 йилда суратга олинган «Шахсият» сериали бўлган ва унда Альцгеймер касаллигига чалинган қотилни гавдалантирган.

Бундан ташқари, у Голливудда ҳам бир неча марта роль ижро қилишга муваффақ бўлган. 1992 йилда «Ёш Индиана Жонснинг саргузаштлари», 2001 йилда «Буффало аскарлари» ва 2009 йилда «The International» фильмида суратга тушган. 2016 йил актёр «Бен-гур» фильмида, шунингдек, «Хеллоуин» фильмида психиатр ролини ижро қилган.

Сибел Кекилли

Келиб чиқиши турк бўлган немис актрисаси Сибел Кекилли 1980 йилда дунёга келган. У «Тахтлар ўйини»да Шаи ролини ижро қилган.

Меҳмет Гунсур

1975 йилда дунёга келган актёр «Муҳташам юз йил» сериалидаги роли билан яхши таниш.

У 2007 йилда Американинг детектив жанрида суратга олинган «Fall Down Dead» фильмида суратга тушган.

Йилмаз Эрдўғон

«Капалакнинг туши» номли тарихий фильмдаги ижроси билан яхши таниш бўлган актёр америкалик киноижодкорлар томонидан суратга олинган «Сув ахтарувчилар» фильмида Рассел Кроу билан бирга суратга тушган.