XXI asrning eng yaxshi aktyorlari aniqlandi

The New York Times kinotanqidchilari XXI asrning eng yaxshi aktyorlaridan iborat ro‘yxat tuzdi. Bu haqda “Korrespondent.net” xabar berdi.

Reyting tuzishda ishtirok etgan Manola Dargis va Entoni Skottning aytishicha, taqdim qilingan Top-25 subyektiv hamda ayrim kamchiliklardan holi emas.

Ma’lum qilinishicha, “Ekipaj”, “Adolat tarafdori” filmlardagi roli bilan yaxshi tanish bo‘lgan Denzel Vashington ro‘yxatda yetakchilik qilgan.

Entoni Skott Vashingtonni “ekran titani”, unda eski maktabning jiddiy tayyorgarligi bor, rollarga ziyraklik bilan yondashadi, shu bilan birga, yorqin kinoyulduz, deb atagan. Shuningdek, tanqidchi aktyorning Shekspir va mashhur afro-amerikalik dramaturg Avgust Uilson asarlari ekranizatsiyasining uddasidan chiqishi, yovuz va qahramonona, bundan tashqari, oddiy yigit rolini ham qoyillatishini qo‘shimcha qilgan.

Yetakchi yulduzlar beshtaligiga fransuz aktrisasi Izabel Yupper (“Pianistka”), Deniel Dey-Lyuis (“Neft”), Kianu Rivz (“Matritsa”) va Nikol Kidman (“Monaka malikasi”) loyiq deb topilgan.

Bundan tashqari, ro‘yxatdan “Parazitlar” filmida rol ijro qilgan koreyalik aktyor Son Kan Xo, “Oqsoch” filmidagi Kim Min Xi, “Gunohga qo‘l urish” filmidagi xitoylik aktrisa Chjao Tao, “Buyuk go‘zallik” filmidagi italiyalik Toni Servillo hamda “Bir kuni Versalda” filmida suratga tushgan fransuz aktrisasi Katrin Denev o‘rin olgan.

Qolaversa, “Benjamin Battonning sirli hikoyasi” filmidagi ijrosi bilan yaxshi tanish bo‘lgan aktrisa Tilda Suinton, “Joker”da bosh qahramon rolini gavdalantirgan Xoakin Feniks va “Hayot-mamot o‘yinlari”dagi Julianna Mur ham yigirma beshtalikka kiritilgan.

NYT tomonidan tuzilgan ro‘yxatdan o‘rin olgan aktyorlar:

1. Denzel Vashington
2. Izabel Yupper
3. Deniel Dey-Lyuis
4. Kianu Rivz
5. Nikol Kidman
6. Son Kan-xo
7. Toni Servillo
8. Chjai Lao
9. Viola Devis
10. Sirsha Ronan
11. Julianna Mur
12. Xoakin Feniks
13. Tilda Suinton
14. Oskar Ayzek
15. Maykl B. Jordan
16. Kim Min-xi
17. Elfri Vudard
18. Uillem Defo
19. Ues Styudi
20. Rob Morgan
21. Katrin Denev
22. Melissa Makkarti
23. Maxershala Ali
24. Sonya Braga
25. Gael Garsia Bernal