2000 йил Колумбияда суратга олинган «Мен, хунук Беттиман» телесериали бутун дунё томошабинлари кўнглини забт этган. Ўзига хос бўлмаган, аммо ақлли ва тиришқоқ қизнинг ҳикояси шу қадар машҳурликка эришдики, 2010 йилда Гиннеснинг рекордлар китоби ушбу лойиҳани тарихдаги энг муваффақиятли теленовелла деб тан олди. У 180 дан ортиқ мамлакатларда эфирга узатилган ва 25 та тилга таржима қилинган. Шунингдек, сериал 28 мамлакатда худди шу мотивда суратга олинган. Сериалнинг асосий хусусиятларидан бири романтик севги ҳикояси билан бирга бош қаҳрамоннинг ажойиб тарзда ўзгаришидир. Қуйида сериалнинг бир неча мамлакатда суратга олинган вариантларида хунук қиз образини гавдалантирган ва машҳурлика эришган турли миллатга мансуб гўзал актрисалар билан танишиб чиқишингиз мумкин.
Ана Мария Ороско – Колумбия
«Мен, хунук Беттиман» сериалида хунук аёл қаҳрамонни ижро этган актриса Ана Мария Ороско эди. Шубҳасиз чиройли актрисани хунуклаштириш учун унинг устида жуда кўп ҳаракатлар олиб борилган.
Александра Нелдель – Германия
Оммабоп телесериалининг немис тилидаги версияси 2005 йил суратга олинган ва «Берлинда ошиқ бўлдим» деб номланган. Актриса Александра Нелдель хўжайинига кўнгил қўйган ёш ва хунук хоним Керима Мода образида намоён бўлган.
Рики Блих – Исроил
Колумбия лойиҳаси илк бора Исроилда 2003 йилда «Хунук Эсти» номи остида суратга олинди. Бош ролни актриса Рики Блих ижро этган. Режиссёр иккиланмасдан бош қаҳрамонга яна бир қанча ўзгаришлар – брекет, эскича услуб ва ўзига қарамаслик кабиларни киритган. Шунингдек, қаҳрамоннинг юзига тошмалар ҳам қўшилган. Сераилда исроиллик хунук хоним мансаб чўққиси ва директорининг юрагини эгаллайди.
Мону Сингх – Ҳиндистон
2003 йилда Ҳиндистонда суратга олинган вариантда ҳам катта ўзгариш юз бермади. Катта кўзойнак, брекет, эскича услуб ва мафтункор Жасси ролини Мону Сингх ижро этган.
Катя Пушкарёва – Россия
2005 йил Россияда ишлаб чиқарилган фильмнинг яна бир версиясида Катя Пушкарёва ва бошқа образлар орасидаги воқеалар шунчалик кескинлашганидан сериалнинг рейтинги юқори поғонларга кўтарилган.
Америка Феррера – АҚШ
2006—2010 йиллар мобайнида суратга олинган «Бадбашара» сериали 4 мавсумдан иборат бўлиб, энг оммабоп картиналардан бирига айланган. Лойиҳа нафақат томошабинларга, балки танқидчилар учун ҳам маъқул келган. 2007 йилда сериал «Олтин глобус»нинг «Энг яхши сериал» номинациясига, актриса Америка Феррера эса «Энг яхши актриса» мукофотига сазовор бўлган.
Анхелика Вале – Мексика
2006 йилда Мексика экранларида «Энг чиройли хунук қиз» сериали пайдо бўлди. Анхелика ҳам сериалнинг бошқа версияларидаги қаҳрамон каби хунуклаштирилган эди.
Рут Нунес – Испания
Ушбу сериалнинг испанча варианти 2006—2009 йилларда эфирга узатилган ва мамлакатнинг энг кўп томоша қилинадиган кундузги дастурига айланган. Бош қаҳрамон ролини Рут Нунез ижро этган.
Верле Батенс − Бельгия
Бельгияда «Сара» деб номланган сериал жуда оммлашган. Актриса Верле Батенс ижроси учун «Энг яхши актриса» мукофотига лойиқ кўрилган.
Жизел Итиэ – Бразилия
Сериалнинг сўнгги версияси 2009 йил Бразилияда суратга олинган. Карьерасини қуришга ва муҳаббатига эришишга ҳаракат қилаётган қаҳрамонни Жизел Итиэ ижро этган.
Изоҳ (0)