Ўтган асрнинг 80 йилларида «Меҳрибонгинам», «Океан», «Оила», «Инсон ва қонун» каби фильмларда роль ижро этган кичкинтой Гудду кўплаб мухлислар ёдида қолгани шубҳасиз.
У ўз даврининг энг таниқли жажжи актрисаларидан бири эди. Кичкинтой Гуддунинг асл исми – Шахинда Байг.
Бугун ушбу жажжи қизалоқнинг ҳаёти қандай кечганлиги ва у ҳозирда қандай кўринишда эканлиги қизиқ бўлса керак. Шахинда 1981 йил унчалик ҳам машҳур бўлмаган режиссёр, продюсер ва актёр М.М.Байг ва унинг турмуш ўртоғи Мумтазнинг оиласида дунёга келган.
Ёш актриса дастлаб телевидение билан алоқаси бўлган отаси туфайли тиш пастаси ва алкоголсиз ичимликлар рекламасида қатнашган. Ажойиб таббасумга эга қизалоқ томошабинларга шунчалар ёқиб қолганидан тез орада унинг исми ҳамманинг тилида достон бўлган.
Унинг отаси «Иккинчи хотин» ва «Камбағалнинг дўсти» каби лойиҳаларда режиссёр ёрдамчиси сифатида ишлаб юрган кезлари суратга олиш майдончасида кичкинтой Шаҳиндани Ражеш Ханна кўриб қолади. Айнан қизалоқ учун аталган «Нега бундай бўляпти?» фильмини суратга олади.
1990 йилда Шахинданинг отаси «Masoom Gawah» фильмини суратга олишни бошлайди, унда Насриддин Шах, Анита Раж, Прем Чопра, Саид Жаффри ва кичкинтой Гудду иштирок этади.
Аммо фильм Насриддин Шах билан боғлиқ муаммолар туфайли тўхтатилади. Лойиҳа эса экран юзини ҳам кўрмайди. Шундан сўнг Шахинданинг отаси ўзи сингари қизига ҳам Болливудда ўрин йўқ, деб ўйлайди ва унинг эътиборини кўпроқ билим олишга қаратади.
Машҳурликка эришган қизалоқ 11 ёшда бутунлай кинони тарк этган ва бор диққатини билим олишга қаратган. Шахинда улғайгач, Абдул исмли йигитга турмушга чиқиб, Дубайга кўчиб кетган. Дастлаб у дунёдаги энг машҳур ва тез ривожланаётган Emirates авиакомпаниясида иқтисодчи бўлиб ишлаган. Кейинчалик худди шу компанияда экипаж менежери ўринбосари лавозимини эгаллади.
Ҳозирда Шахинда бахтли оила бекаси ва Ҳиндистонга қайтишни режалаштирмаган, аммо у Болливудда ўтказган вақтини ҳеч қачон унутмайди.
Изоҳ (0)