2000-yil Kolumbiyada suratga olingan “Men, xunuk Bettiman” teleseriali butun dunyo tomoshabinlari ko‘nglini zabt etgan. O‘ziga xos bo‘lmagan, ammo aqlli va tirishqoq qizning hikoyasi shu qadar mashhurlikka erishdiki, 2010-yilda Ginnesning rekordlar kitobi ushbu loyihani tarixdagi eng muvaffaqiyatli telenovella deb tan oldi. U 180 dan ortiq mamlakatlarda efirga uzatilgan va 25 ta tilga tarjima qilingan. Shuningdek, serial 28 mamlakatda xuddi shu motivda suratga olingan. Serialning asosiy xususiyatlaridan biri romantik sevgi hikoyasi bilan birga bosh qahramonning ajoyib tarzda o‘zgarishidir. Quyida serialning bir necha mamlakatda suratga olingan variantlarida xunuk qiz obrazini gavdalantirgan va mashhurlika erishgan turli millatga mansub go‘zal aktrisalar bilan tanishib chiqishingiz mumkin.
Ana Mariya Orosko – Kolumbiya
“Men, xunuk Bettiman” serialida xunuk ayol qahramonni ijro etgan aktrisa Ana Mariya Orosko edi. Shubhasiz chiroyli aktrisani xunuklashtirish uchun uning ustida juda ko‘p harakatlar olib borilgan.
Aleksandra Neldel – Germaniya
Ommabop teleserialining nemis tilidagi versiyasi 2005-yil suratga olingan va “Berlinda oshiq bo‘ldim” deb nomlangan. Aktrisa Aleksandra Neldel xo‘jayiniga ko‘ngil qo‘ygan yosh va xunuk xonim Kerima Moda obrazida namoyon bo‘lgan.
Riki Blix – Isroil
Kolumbiya loyihasi ilk bora Isroilda 2003-yilda “Xunuk Esti” nomi ostida suratga olindi. Bosh rolni aktrisa Riki Blix ijro etgan. Rejissor ikkilanmasdan bosh qahramonga yana bir qancha o‘zgarishlar – breket, eskicha uslub va o‘ziga qaramaslik kabilarni kiritgan. Shuningdek, qahramonning yuziga toshmalar ham qo‘shilgan. Serailda isroillik xunuk xonim mansab cho‘qqisi va direktorining yuragini egallaydi.
Monu Singx – Hindiston
2003-yilda Hindistonda suratga olingan variantda ham katta o‘zgarish yuz bermadi. Katta ko‘zoynak, breket, eskicha uslub va maftunkor Jassi rolini Monu Singx ijro etgan.
Katya Pushkaryova – Rossiya
2005-yil Rossiyada ishlab chiqarilgan filmning yana bir versiyasida Katya Pushkaryova va boshqa obrazlar orasidagi voqealar shunchalik keskinlashganidan serialning reytingi yuqori pog‘onlarga ko‘tarilgan.
Amerika Ferrera – AQSh
2006—2010-yillar mobaynida suratga olingan “Badbashara” seriali 4 mavsumdan iborat bo‘lib, eng ommabop kartinalardan biriga aylangan. Loyiha nafaqat tomoshabinlarga, balki tanqidchilar uchun ham ma’qul kelgan. 2007-yilda serial “Oltin globus”ning “Eng yaxshi serial” nominatsiyasiga, aktrisa Amerika Ferrera esa “Eng yaxshi aktrisa” mukofotiga sazovor bo‘lgan.
Anxelika Vale – Meksika
2006-yilda Meksika ekranlarida “Eng chiroyli xunuk qiz” seriali paydo bo‘ldi. Anxelika ham serialning boshqa versiyalaridagi qahramon kabi xunuklashtirilgan edi.
Rut Nunes – Ispaniya
Ushbu serialning ispancha varianti 2006—2009-yillarda efirga uzatilgan va mamlakatning eng ko‘p tomosha qilinadigan kunduzgi dasturiga aylangan. Bosh qahramon rolini Rut Nunez ijro etgan.
Verle Batens − Belgiya
Belgiyada “Sara” deb nomlangan serial juda ommlashgan. Aktrisa Verle Batens ijrosi uchun “Eng yaxshi aktrisa” mukofotiga loyiq ko‘rilgan.
Jizel Itie – Braziliya
Serialning so‘nggi versiyasi 2009-yil Braziliyada suratga olingan. Karyerasini qurishga va muhabbatiga erishishga harakat qilayotgan qahramonni Jizel Itie ijro etgan.
Izoh (0)