Бухорода тезликни оширган ҳайдовчи ЙТҲга учради, йўловчи эса оғир тан жароҳати олди. Бу ҳақда «Дарё»га вилоят ИИБ ЙҲХБ ахборот хизмати раҳбари Улуғбек Шукруллаев хабар берди.
Маълум қилинишича, ЙТҲ Вобкент тумани ҳудудидан ўтувчи халқаро аҳамиятга эга М-37 Самарқанд—Бухоро—Туркманбоши автомобиль йўлининг 243-километрида содир бўлган.
Бухоро туманида яшовчи 25 ёшли фуқаро ўзига тегишли Cobalt’да йўл ҳолатига эътибор бермай, катта тезликда ҳаракатланган. Оқибатда ҳушёрликни йўқотиб, қатнов йўлидан чиқиб кетган ва йўл четидаги дарахтга бориб урилган. Машина салонида бўлган 52 ёшли йўловчи Ж.Т. оғир тан жароҳати олиб, Вобкент туман марказий шифохонасига ётқизилган.
Ҳолат юзасидан ҳайдовчига нисбатан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) тергов ҳаракатлари олиб борилмоқда.
Эслатиб ўтамиз, аввалроқ Навоийда ИИО ходимларидан қочган маст ҳайдовчи Malibu’сини дарахтга бориб ургани ва машинасини қулфлаб, узоқ вақт давомида ундан тушмагани хабар берилганди.
Мавзуга доир:
- Самарқандда маст ҳайдовчи ўз бошқарувидаги Matiz билан каналга тушиб кетиши оқибатида машина ичида бўлган амакисининг умрига зомин бўлди
- Жиззахда йўлнинг музлаши оқибатида содир бўлган икки ЙТҲда ҳайдовчи ва йўловчи вафот этди
- Андижонда тунги чироқлар билан ёритилмаган йўлда содир бўлган ЙТҲда 22 ёшли икки йигит вафот этди
Изоҳ (0)