Қашқадарё вилояти Ғузор туманида Nexia автомашинаси йўлдан ўтаётган пиёдани уриб кетди, дея хабар бермоқда ЙҲХББ.
Маълум қилинишича, 2020 йилнинг 18 ноябрь куни соат 22:30 ларда Қашқадарё вилоят ИИБ ЙХҲБ навбатчилик қисмига хабар келиб тушди.
Унда маълум қилинишича, Ғузор тумани «Совлуғар» МФЙ ҳудудидан ўтувчи Ғузор– Совлуғар–Қоратикан автомобиль йўлининг 9-километрида пиёда иштирокида йўл-транспорт ҳодисаси содир бўлган.
Аниқланишича, Nexia русумли автомашина ҳайдовчиси қор ёғаётгани ва эътиборсизлиги натижасида йўлнинг ўнг томонидан чап томонига кесиб ўтаётган пиёдани кўрмай қолиб, уриб юборган.
«Ҳаракатланиб кетаётган вақтимда қарама-қарши йўналишда келаётган автомобиль чироқлари кўзимни олиб бир нарсани устидан ўтиб кетганимни сездим. Орқамга қайтсам одам экан. Уни машина тўхтатиб биринчи ёрдам кўрсатиш учун олиб кетдим», – дейди ҳайдовчи.
ЙТҲ оқибатида пиёда олган тан жароҳатлари туфайли вафот этган.
Аввалроқ Навоийда ИИО ходимларидан қочган маст ҳайдовчи Malibu’сини дарахтга бориб ургани ва узоқ вақт ундан тушмагани, Самарқандда маст ҳайдовчи ўз бошқарувидаги Matiz билан каналга тушиб кетиши оқибатида машина ичида бўлган амакисининг умрига зомин бўлгани ҳамда Жиззахда йўлнинг музлаши оқибатида содир бўлган икки ЙТҲда ҳайдовчи ва йўловчи вафот этгани ҳақида хабар қилинган эди.
Изоҳ (0)