Волгоградда 1960 йилда ишлаб чиқарилган ва ҳозирга қадар 3 минг километр йўл босган «ЗАЗ-965» сотувга қўйилди. Кузов қисми реставрация қилинган, салонига эса тегилмаган автомобиль учун 250 минг рубль сўралмоқда, деб хабар беради Motor.
«ЗАЗ-965» 1960 йилдан 1963 йилга қадар ишлаб чиқарилган. Автомобиль 23 от кучига эга 0,8 литрли бензин двигатель билан жиҳозланган. Моделга кам тиражли агрегат билан бирга, тўрт поғонали механик узатмалар қутиси ўрнатилган. Совет автомобилсозлик саноати даврида конвеердан жами 322 нусха шу турдаги «Запорожец»лар чиққан. Улар орасида рули ўнг тарафда жойлашган модификациялари, шунингдек, почта фургонлари ва икки ўриндиқли машиналар ҳам бўлган.
Сотувга қўйилган нусха идеал ҳолатда. Сотувчининг сўзларига кўра, 60 ёшли «Запорожец» 2002 йилда қисман реставрация қилинган бўлиб, экстереридаги айрим нуқсонлар бартараф этилган, шунингдек, кузови силлиқланган. Ноёб автомобиль салонига тегилмаган, бироқ узоқ йиллар ўтганига қарамай, у ҳамон янгидек. Сўнгги 18 йил ичида машина илиқ гаражда ҳаракатсиз турган.
«Запорожец»нинг барча куч агрегатлари ҳам соз ҳолатда. Эълонга кўра, машина 3 минг километр йўл босган бўлиб, унда ҳамон Совет даврига тегишли автомобиль давлат рақамлари сақланиб қолган.
Аввалроқ Москвада Mazda базасида яратилган «Запорожец» сотувга қўйилгани, шунингдек, 34 йил гаражда турган «Запарожец» 6500 долларга баҳолангани тўғрисида хабар берилганди.
Изоҳ (0)