Видео: Нью-Йорк аҳолиси метрода пицса бўлагини ушлаган улкан «каламуш»га қандай муносабат билдирди?

Америкадаги театрлардан бирида фаолият олиб борадиган актёр Жонатан Лаёнс каламуш костюмини кийган ҳолда Нью-Йорк кўча ва метро станцияларида кезиб юрди. Бу ҳақда New York Post маълум қилди, деб ёзади Esquire.

Лаёнснинг айтишича, у бундан 11 йил аввал Buddy the Rat костюмини ўйлаб топган ва YouTube’га ушбу костюмда Таймс Скверда сайр қилгани тасвирланган видеони юклаган. Ролик 70 минг мартага яқин томоша қилинган.

https://youtu.be/LA4_fBdZ25s

У ушбу костюмни кийган ҳолда қисқа метражли фильмда суратга тушишни истаган. Боғдаги суратга олиш ишлари жараёнида каламуш либоси одамлар эътиборини тортган ва атрофдагилар уни суратга ола бошлаган.

https://twitter.com/RexChapman/status/1328731347200987137

Ижтимоий тармоқда донг таратганидан кейин Лаёнс шунчаки кўнгилхушлик учун шаҳарга ушбу костюмда чиқа бошлаган.

https://twitter.com/JoeDator/status/1328904388723806211

«Нью-Йорк аҳолисининг кўпчилиги мутлақ бефарқ», — деган актёр ушбу костюмда ижтимоий масофа сақлаш осонлигини қўшимча қилган.

https://twitter.com/jonothonlyons/status/1328686881106763783

У костюм ичидан оддий ниқоб тақишини айтиб, мазкур кийимда одамлар ундан узоқ туриши ҳақида қайғуришига ҳожат йўқлигини билдирган.

https://twitter.com/jonothonlyons/status/1327973107739496449