Бугун,

  • USD 10940.05
  • RUB 182.26
  • EUR 11121.65

Президент Шавкат Мирзиёев Олмазор туманига яқин жойлашган Тошкентнинг йўлдош шаҳридаги «Яшил водий» турар жой мажмуаси лойиҳаси билан танишди. Лойиҳа тақдимотини пойтахт ҳокими Жаҳонгир Ортиқхўжаев тақдим этди.

Кадр: Ўзбекистон 24

Президент Шавкат Мирзиёев 2020 йил 12 июль куни Тошкент шаҳрининг Олмазор туманига ташрифи доирасида Тошкент вилояти Тошкент туманининг Тошкент шаҳар Олмазор туманига яқин 260 гектар ҳудудида янги йўлдош шаҳарча қурилишини маълум қилган эди.

19 ноябрь куни тақдим этилган лойиҳага кўра, 200 гектардан зиёд майдонда 150 мингдан зиёд одам учун кўп қаватли уйлар, мактаб, болалар боғчаси, истироҳат боғи ва савдо зонасини қуриш режалаштирилган.

Йўлдош шаҳарча ва саноат зонаси (қизил рангда белгиланган) қуриладиган ҳудуд

Йўлдош шаҳарча қуриладиган ҳудуд

Йўлдош шаҳарча қуриладиган ҳудуд
Скриншот: Google.Maps

Шавкат Мирзиёевнинг Олмазор туманига ташрифи якунлари бўйича тайёрланган Президент Администрациясининг 22 июндаги протоколида пойтахт маъмуриятининг «Ягона буюртмачи хизмати» инжиниринг компанияси йўлдош шаҳар қурилишига буюртмачи сифатида қайд этилган.

Кадр: Ўзбекистон 24

Баённомада қайд этилишича, бош дизайнер ва бош пудратчи танлов орқали аниқланади ва шаҳарнинг бош режаси хорижий лойиҳалаш ташкилотлари билан биргаликда ишлаб чиқилади. Агар йўлдош шаҳарда муҳандислик тармоқларини қуриш учун энергетика ва уй-жой коммунал хизматлари вазирликлари жавоб берадиган бўлса, у ҳолда автомобиль йўллари ва йўл ўтказгичларини қуриш Тошкент шаҳар ҳокимлиги томонидан амалга оширилиши керак.

https://www.youtube.com/watch?v=t1jyQTe0vPo&ab_channel=O%27зМТРКО%27збекистонмиллийтелерадиокомпанияси

Изоҳ
Асосий янгиликлар