Legatum Institute томонидан ҳар йили тузиладиган Legatum Prosperity Index дунё рейтингида Ўзбекистон 102-ўриндан 97-ўринга кўтарилди.
Мамлакатлар 9 мезон бўйича таққосланади: иқтисодий даражаси, бизнес муҳити, давлат бошқаруви самарадорлиги, таълим, соғлиқни сақлаш, хавфсизлик ва шахсий эркинлик, шунингдек, ижтимоий капитал ва экологик муҳитни ривожлантириш мезонлари.
Янгиланган рейтингда Ўзбекистоннинг энг заиф томонлари ҳали ҳам экологик муҳит (157-ўрин), шахсий эркинлик (147-ўрин) ва давлат бошқаруви самарадорлиги (136-ўрин) ҳисобланади.
Шу билан бирга, мамлакатнинг кучли томонлари ижтимоий капитал (20-ўрин), соғлиқни сақлаш (43-ўрин) ва хавфсизликдир (52-ўрин).
Ўзбекистон биринчи маротаба ушбу рейтингда 2010 йилда пайдо бўлган ва 109-ўринни эгаллаган, 2019 йилда эса 102-ўринга кўтарилган.
Аввалроқ Ўзбекистон World Happiness Report бахтли мамлакатлар рейтингида уч поғона кўтарилгани, Тошкент эса аҳолиси энг оптимист шаҳар деб топилгани хабар берилганди.
Изоҳ (0)