O‘zbekiston “Qonun ustuvorligi” indeksida 4 pog‘onaga yuqoriladi. Unda korrupsiyaga qarshi kurashda yuqori natijalarga erishilgani ko‘rsatilgan
World Justice Project xalqaro fuqarolik jamiyati tashkiloti tomonidan yuritiladigan “Qonun ustuvorligi” indeksi bo‘yicha navbatdagi 2020-yil uchun hisobotini e’lon qildi. Moliya vazirligi matbuot xizmatining xabar berishicha, O‘zbekiston ushbu reytingda 0,47 ball bilan 92 o‘rinni egalladi.
O‘zbekiston “Qonun ustuvorligi” indeksining tartib va xavfsizlik ko‘rsatkichida yillar davomida ijobiy natija ko‘rsatib kelmoqda (0,9 ball bilan dunyo mamlakatlari orasida 11 o‘rin). 2020-yilda mamlakatning eng katta o‘zgarishi korrupsiyaning mavjud emasligi ko‘rsatkichida kuzatildi: 0,40 ball bilan 89-o‘rin (2019-yilda 0,38 ball bilan 95-o‘rin).
“Qonun ustuvorligi” indeksining tarkibiy ko‘rsatkichlari bo‘yicha respublika natijalari quyidagi jadvalda keltirilgan:
“Qonun ustuvorligi” bo‘yicha O‘zbekiston MDHda 6 o‘rinni egallagan:
“Qonun ustuvorligi” indeksi 0 (eng past)dan 1 (eng baland) ballgacha bo‘lgan shkalada baholanib, ularga tegishli reyting beradi. Indeksda davlatlar asosiy 8 omil bo‘yicha tahlil qilinib hamda 44 ta ko‘rsatkichga bo‘lingan: hukumat vakolatlarining cheklanishi, korrupsiyaning yo‘qligi, ochiq hukumat, asosiy huquqlar, buyruq va xavfsizlik, normativ qoida, fuqarolik odil sudlovi hamda jinoiy odil sudlov.
Mazkur indeks World Justice Project tashkiloti tomonidan umumlashtirilgan General Population Poll (GPP) va Qualified Respondents’ Questionnaires (QRQs) katta hajmli savollardan iborat so‘rovnomalariga asoslangan holda baholandi. Xususan, O‘zbekistonda so‘rovnoma Toshkent, Namangan va Samarqand viloyatlarida o‘tkazildi.
