Канадалик ихтирочи Езин Ал-Кайси коронавирусдан ҳимоя қилувчи шлем яратди. У бош ва кўкрак қисмни тўлиқ қоплайди, шунингдек, юз қисми пардадан иборат. Канадалик ихтирочи шундай кўринишда Торонтодаги метрода ҳаракатланмоқда, деб ёзади Hi-Tech.Mail.ru.
Қурилманинг орқа томони батареядан қувват олувчи ташқи ҳавони тозалайдиган нафас олиш фильтри билан жиҳозланган. 32 ёшли ихтирочининг сўзларига кўра, кўпчилик унинг қурилмасига қизиқиш билан қарамоқда ва бу каби шлемни қаердан харид қилганини ҳам сўраганлар бор.
Ал-Кайси ўзи ихтиро қилган қурилмага «BioVYZR» деб ном берган. Шлем бир маротаба қувват олганда 12 соат давомида ишлайди. Шунингдек, айни пайтда 10 000 га яқин одам бу каби қурилмани сотиб олиш мақсадида ихтирочига мурожаат қилган. Шлемларни унинг VYZR Technologies интернет-дўконининг веб-сайтида 379 долларга харид қилиш мумкин.
Изоҳ (0)