Қайд этилишича, 2020 йилнинг 3 ноябрь куни Самарқанд вилояти ИИБ Хавфсиз туризмни таъминлаш бошқармаси ҳамда вилоят ИИБ Жиноят қидирув бўлими Иқтисодий жиноятларга қарши курашиш бўлими ходимлари томонидан тезкор тадбир ўтказилди, дея хабар бермоқда Постда.
Тадбир давомида Иштихон тумани «Азамат» маҳалла фуқаролар йиғини ҳудудида яшовчи, 1966 йилда туғилган Ҳ. Самарқанд тумани «Ўзбек кенти» маҳалласида яшовчи С. исмли фуқаронинг жиянини Автомобиль йўллари коллежига ўқишга киритиб қўйишни ваъда қилиб, ундан 400 АҚШ доллари миқдоридаги пулни олаётган вақтида тезкор ходимлар томонидан ушланган. Пора сифатида берилган пул ашёвий далил тариқасида ҳужжатлаштириб олинган.
Ҳолат юзасидан Самарқанд шаҳри бўйича ИИО ФМБ ҳузуридаги Тергов бўлими томонидан Жиноят кодексининг 168-моддаси 1-қисми (фирибгарлик) билан жиноят иши қўзғатилиб, тергов ҳаракатлари олиб борилмоқда.
Аввалроқ Бухоро вилояти Давлат санитария-эпидемиология назорати бошқармаси бошлиғи пора олаётганида ушлангани, Наманганда СЕС ходими коронавирусдан вафот этган фуқаронинг жасадини қариндошларига бериш учун 2 миллион сўм талаб қилгани ҳамда Фарғонада молия бўлимини алдаб, тадбиркорларнинг 1,2 млрд сўмини «еб юборган» солиқчилар ушлангани ҳақида хабар берилганди.
Изоҳ (0)