Президент Шавкат Мирзиёев 2020 йил 6 ноябрь куни имзолаган фармонига мувофиқ, 2021 йил 1 мартга қадар малакали педагог, илмий ходимлар, психолог ва хорижий экспертларни, шу жумладан, Финляндиянинг малакали мутахассисларини жалб қилган ҳолда Миллий ўқув дастури ишлаб чиқилади, дея хабар бермоқда Адлия вазирлиги.
Таянч умумтаълим муассасалари белгиланади ва 2021/2022-ўқув йилида уларнинг таълим жараёнига дастур тажриба-синов тариқасида жорий қилинади.
Шунингдек, 2021 йил 1 мартдан педагог кадрлар тайёрлайдиган ОТМ ҳамда лицензияга эга нодавлат таълим ташкилотлари халқ таълими ходимлари малакасини ошириш ҳуқуқига эга бўлади.
Аввалроқ Ўзбекистондаги мактабларда 6 фанни бирлаштирган Science фани жорий этилиши, Ўзбекистонда иккинчи чоракдан барча ўқувчилар мактабга бориши мажбурий бўлиши ҳақидаги хабарларга изоҳ берилгани ҳамда Монополияга қарши курашиш қўмитаси мактабларни жиҳозлашдаги монополияга қарши чиққани ҳақида хабар берилганди.
Изоҳ (0)