Португалиялик ҳужумчи Криштиану Роналду 2021 йил ёзида Турин клубини тарк этиши мумкин, деб ёзмоқда Diario Sport.
Қайд этилишича, «Ювентус» раҳбарияти Роналду билан шартномани узайтирмаслик борасидаги имкониятларни ўрганиб чиқмоқда. Клуб уни 2021 йил ёзида сотиб, бу орқали унинг трансфери учун сарфланган маблағнинг маълум бир қисмини қоплашга эришишни режа қилгани айтилмоқда. Клубдагилар 35 ёшли футболчи билан шартномани узайтириш катта таваккал деб ҳисобламоқда.
Роналдунинг «Ювентус» билан амалдаги келишуви 2022 йил ёзида якунига етади.
Маълумот учун, Роналду 2018 йилда 117 миллион евро эвазига Турин клубига ўтганди. Футболчининг трансфери айни дамда 60 миллион еврога баҳоланмоқда.
Роналду 2020/21 йилги мавсум «Ювентус» сафида барча мусобақалар доирасида 5 та ўйинда қатнашиб, 6 та гол урди ва 2 та голли узатмани амалга оширди.
- Криштиану Роналдунинг «Реал» сафидаги шедевр голлари
- Криштиану Роналдунинг «Реал» сафида жарима зарбасидан урган барча голлари
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)