11-noyabr — Bo‘ydoqlar kuni munosabati bilan Xitoyda tashkillashtirilgan savdolarda OppoReno 4, Xiaomi Mi 10 Extreme Commemorative Edition va Meizu 17 Pro modellari eng mashhur va xaridorgir smartfonlarga aylandi, deb xabar beradi IXBT.
“Bo‘ydoqlar kuni”ga bag‘ishlangan savdolar o‘tgan hafta boshlangan. Eng katta chegirmalar 11-noyabr kuniga belgilangan, biroq hozirdanoq Xitoydagi eng yirik JD savdo maydonchasi eng mashhur smartfonlar, planshet va simsiz garnituralar ro‘yxatini e’lon qilgan.
Ushbu ro‘yxat savdolar hajmi, foydalanuvchilar fikri, brendning mashhurligi va taniqliligi bo‘yicha tuzilgan. Eng mashhur va xaridorgir smartfonlar qatoridan OppoReno 4, Xiaomi Mi 10 Extreme Commemorative Edition va Meizu 17 Pro o‘rin olgan. Xitoy bozorida yetakchilik qiluvchi Huawei kompaniyasining smartfonlari kuchli uchlikdan o‘rin olmagan.
Eng yaxshi planshetlar ro‘yxatiga Microsoft yetakchilik qilmoqda, bundan tashqari, uchlikdan Huawei va Hkust iFlytek modellari ham o‘rin olgan. Shuningdek, Huawei eng mashhur garnituralar reytingida birinchi o‘ringa loyiq ko‘rilgan, ikkinchi va uchinchi o‘rinlarni Xiaomi modellari egallagan.
Mavzuga doir: 2020-yilning eng mashhur smartfonlari nomi e’lon qilindi
Izoh (0)