Амалдаги АҚШ президенти Дональд Трампнинг Америка президенти сайловлари чоғида қоидабузарликлар юз бергани ҳақидаги гаплари асоссиз ҳамда аҳолининг демократик институтларга нисбатан ишончини поймол қилади. Бу ҳақда Европада хавфсизлик ва ҳамкорлик ташкилотининг АҚШ президенти сайловларидаги кузатув миссияси раҳбари баёнотида айтилади, деб ёзади «РБК».
«Тизимли қоида бузилишлари ҳақидаги асоссиз айбловлар, айниқса, амалдаги АҚШ президенти томонидан, шу жумладан, сайлов куни бўлган айбловлар жамоатчиликнинг демократик институтларга ишончини поймол қилади», — дейилади баёнотда.
ЕХҲТ қайд этишича, ташкилотчилар кўп сонли жалб этилган фуқаролар кўмагида «ҳайратланарли даражада имкониятларини ишга солган», бу аҳолига «юридик ва техник муаммоларга, шунингдек, амалдаги президентнинг сайлов жараёнига нисбатан ишончни сусайтиришга қаратилган уринишларига қарамасдан, ўз танловини амалга ошириш имкониятини берган».
Ташкилотда «COVID-19 ва почта орқали овоз бериш амалиётининг кенгайиши баҳонасида қонуний тақдим этилган бюллетенлар ҳисоб-китобини чеклашга бўлган уринишлар» юзасидан хавотир билдирди.
Шунингдек, ташкилотда АҚШ сайлов ҳуқуқларини таъминлаш бўйича катта ишларни амалга оширганига қарамай, умумий овоз бериш тизими юзасидан ташвишда қолмоқда. «Аёлларнинг сиёсий ҳаётдаги иштироки ҳам кўпайган, аммо бу муаммога кўпроқ эътибор қаратилиши керак», — дея аниқлик киритишди ЕХҲТда.
Аввалроқ Дональд Трамп ўз Twitter’ида Пенсильвания, Висконсин ва Мичиганда демократлар президент сайловларида берилган овозлар бўйича найранглар уюштиришга уринганини айтганди.
Аввалроқ Трамп муҳим аҳамиятга эга тўртта штатда ғалаба қозонганини эълон қилган эди. Булар Мичиган, Пенсильвания, Жоржия ва Шимолий Каролина.
Изоҳ (0)