АҚШ президенти Дональд Трамп мамлакатда бўлиб ўтган президентлик сайловида берилган овозларни санашни тўхтатишга чақирди. Бу ҳақда «Интерфакс» хабар берди.
«Санашни тўхтатинг», — деб ёзган Трамп Twitter’да.
АҚШда президентлик сайлови учун овоз бериш 3 ноябрь куни бўлиб ўтди, бироқ кўп сонли америкаликлар 2020 йилда почта орқали овоз берди, шу сабабли овозларни санаш кўплаб штатларда чўзилиб кетмоқда ва ҳалигача давом этмоқда. Бунда Трамп сайлов участкалари ёпилганидан кейин келиб тушган бюллетенларни санаш керак эмаслигини талаб қилмоқда.
Айни пайтда вазият Трампнинг фойдасига хизмат қилмаяпти. Трамп унинг рақиби Жо Байден ғалаба қозонган баъзи штатларда овозларни суд тартибида қайта ҳисоблашни талаб қилишга тайёрлигини маълум қилган. Ҳозирги тенденциялар сақланиб қолган тақдирда Байден сайланиш учун етарлича овозни тўплаган бўлади. Трамп мағлубиятини тан олмаслиги кутилмоқда, АҚШ президентлиги сайлови бўйича якуний қарор эса суд томонидан чиқарилиши мумкин.
Сайлов бўлиб ўтишидан олдин республикачилар ҳам, демократлар ҳам ана шундай сценарийга қаттиқ тайёрланган ва махсус ҳуқуқшунослар жамоасини ёллаган.
Мавзуга доир:
- Байден: «Овозлар ҳисоб-китоби якунланганидан сўнг ғалаба қозонамиз»
- Байден икки энг муҳим штатда — Висконсин ва Мичиганда ғалаба қозонди
- Трамп муҳим аҳамиятга эга тўртта штатда ғалаба қозонганини эълон қилди
- ЕХҲТ Трампнинг АҚШ президенти сайловларидаги қоидабузарликлар ҳақидаги гапларини асоссиз деб топди
Изоҳ (0)