Ҳайвонлар орасида коронавирус аниқлангани сабаб Даниядаги фермаларда яшовчи барча қоракўзанлар (норка) ўлдирилади. Бу каби қарор мамлакат ҳукумати томонидан қабул қилинган, деб хабар беради «РБК».
«Даниядаги барча қоракўзанлар ўлдирилиши керак», — дейди мамлакат бош вазири Мэттэ Фредериксон онлайн режимда ўтказилган матбуот анжумани вақтида. Айни вақтда сиёсатчи аввалроқ коронавирус ташхиси қўйилган адлия вазири Ник Хеккеруп билан изоляцияда.
Фредериксеннинг сўзларига кўра, одамлар орасида тарқалиб, уларда антитаналар шаклланиш хусусиятини кучсизлантираётган қоракўзанларда мутацияга учраган коронавирус инфекцияси сабаб кескин ҳаракатларни амалга ошириш зарур.
Бош вазирнинг таъкидлашича, қоракўзанларда аниқланган мутацияга учраган коронавирус вакцина яратилишида муаммони юзага келтириши мумкин.
Ҳозирги кунда мутацияга учраган коронавирус билан касалланиш ҳолати Ютландия оролидаги 207 та қоракўзанда ва 12 кишида аниқланган. Фредериксеннинг сўзларига кўра, вирус нафақат Даниянинг бошқа бир қисмига, балки бутун дунёга тарқалиши мумкин.
«Фуқароларимиз олдида масъулмиз, бироқ аниқланган мутацияни ҳисобга олсак, дунёнинг қолган аҳолиси қаршисида ҳам масъулиятимиз бор», — дейди Фредериксен.
Данияда қоракўзанлар орасида коронавирус июнь ойида аниқланган эди. Дания Дамламалар давлат инситути директори Каре Молбакнинг таъкидлашича, энг ёмон ссенерий юзага келса, «Даниядан тарқалувчи янги пандемия» бошланиши мумкин.
Эслатиб ўтамиз, апрель охирларида АҚШда илк бор мушукларда ҳам коронавирус қайд этилганди. Ундан аввалроқ эса Нью-Йоркдаги Бронкс ҳайвонот боғида йўлбарс коронавирус юқтириб олгани ҳақида хабар берилган эди. Шунингдек, май ойида Нидерландияда коронавирус қоракўзандан инсонга юқиши аниқланган.
Изоҳ (0)